PERCAYA

Assalamualaikum..

alhamdulillah, ambo baru jah lepah makae sahur..  nih dok nnulih nih sambil dok tunggu oghe bbae subuh.. sementara tunggu tuh, ambo kelih tv3.. ado ngaji budok2 tahfiz.. arinih, suroh As-Sajadah.. sayu weh budok tuh baco.. siap tunjuk translate lagih.. surah nih menceritakn mengenai balasan orang yang beriman, dengan orang yg munafik... Allah.. Insaf ghaso bilo dengar suroh nih.. padae la Baba ambo sokmo dok baco suroh nih pagi juma'at..
 pah, bilo tengok budok2 tahfiz nih dalae TV maso nih, ambo terlintas maso kecik2 dulu, ambo kato
"budok2 nih buleh dok ngaji maso oghe dok ssahur dih? tok ssahor ko?"

haaaaaa!!
bakpo keh neh buleh pikir lagu tuh..? ni lah nok ghoyak buwi ambo bodo tok bodo maso kecik dulu, ambo ccayo mapuh2  oghe hok blakong dalae Tv tuh, blakong maso maso ttu jugok..'live' la kalu oghe putih kato. maksudnyo, kalu ambo kelih TV pukul 10mlm, kalu oghe dalae TV tuh dok ppadae gak, ambo meme ingak oghe tuh ddok ppadae sunggoh la pukul 10mlm tuh..
maso tuh, tok tahu pong ado 'record' dlm pengetahuan ppalo otok nih.. ho lah kae, tokkey la oghe nok wak rancangan tuh tengoh2 maley..  kecuali lah berito nightline pukul 12 mlm tuh..hehe..
 kalu ado rancangae Tv hok dok di studio tuh, meme ambo ingat rancangae tuh 'live'.. kalu crito pon samo jugok.. pah, kalu pikir lojik gak, crito nih ado mace2 scene dek neh? smetta dok atah tembok, pah dok atah kedai pulok, pah siang2 hari, tibo2 malae hari.. meme pelik jugok mmikir.. tapi gak, mugo kito budok maso ttu kae, tok tahu ggapo..  hok tubik dari TV tuh gak, kiro pakak jjolo sunggoh lah..

pahtuh, teringat skali ambo pasal ccayo ko crito kartun.. olooooooh la... ccayo sunggoh nah nok ghoyak buwi! ombo meme ingak dunio kartun nih ado sunggoh.. ambo nih sapa mimpi ko kartun nih.. berangan nok jjupo lah watak bugs bunny atau pon mickey mouse tuh.. contohnyo, cito 'Behind the Jam'.. bilo tubik cito nih, lagi lah ambo pk cito cartun tuh wujud sunggoh.. astaga..

behind the jam

alooh la.. siiye sunggoh dih? sabak tu la oghe kato, kalu nok aja budok kecik nih, aja maso kecik.
 budok2 cepat nnakak, bangak blaja, mudoh ccayo... haaaa.. kalu kito aja dio hok hudoh gak, hudoh la peghanga dio,.. kalu aja ccomey gak, comey lah peghanga dio.. pepatah kato," kalau nk lentur buluh, biarlah dari rebungnya" ... haaa.. ddae rebung jjadi buloh gak, payoh doh la nok lentur.. keghah kkekung doh!!

ok.. selamat berpuaso..

"Isteri saya preknen 9 bulan, nk kencing sangat-sangat"

Assalamualaikumwarohmatullohiwabarokaatuh....


Aduh.. Panjey weh buwi salae ikot rumi.. Tok buwi salae tok leh, mugo kito oghe Islae(Islam) kae.. 
Ho.. Berbalik pado tajuk ddatah nuh, Ambo nok cghito la sikik kisoh ambo maso kelik Kuantan minggu lepah..  Kelik kkapung tok llaki kito la mugo Cuti Buruh kae 1 mei.. Sakit ati jugok, nok kelik klate tok leh, kelik kuantan buleh pulok.. doh la ado spupu ambo nnikoh ari tuh.. hum.. tak doh aghoh laaa.. tok leh derhaka pd suami..


Maso 1 mei tuh, aghi ahad.. Tok llaki ambo bowok la ambo gi umoh abe dio di cenderawasih nuh,  Lepah maghrib baru nok balik umoh kakok dio di Sungai Isap. On da way nok balik tuh, ambo pom request la nok makae Cheese Cake Secret Recipy. pah, dio pom bowok la kito gi Secret Recipy di Indera Mahkota.. Malah nok masuk bandar Kuantan mugo ado Jom Heboh malae tuh,, takok jem la jalae.. Tamboh2, malah nok ngadap po'leh(polis).. Mugo  kuantan nih ssoho benna la sek2 po'leh round bbanda tok tahu la nok cari pitih nok makae bakali.. Bukae nok samey sangak.. ko guano?


On the way ke Secret Recipy,  ado la trafik light depey skoloh cenderawasih tuh.. maso nok sapa dekak trafik light tuh, lapu dio tukar jadi meghoh(merah). Pah, ado la Suzuki Swift ddepey kkito kito tuh, langga lapu meghoh..


"wey la.. nyo langga lapu mengoh pulok doh..." ambo kato ko tok llaki ambo..


Tibo -tibo, tok llaki ambo pong pakak ikuk keto Suzuki Swift tuh getek!! Astagaaaa~~ 2x5 jah tok llaki aku nih! tok sapa 100meter lepah langgar lampu meghoh, tok llaki ambo kato "hah sudah.. datang dah polis".. 


Ambo ingak ko dio ggugha jah.. Bilo tengok side mirror, napok la ado lapu kkelik kkelik kala biru.. Hah sudoh!!... Mapuh keghah laa kali nih.. Pisoh tok masuk bbandar kuantan nok ngelok ko po'leh.. Apo, keno kejar nga po'leh ssebab langgar lapu meghoh.. Adoooooow la.. Nok maghoh pong, meme keno hambak ko po'leh doh maso tuh.. Tok llaki ambo bowok laju la sikik hajatnyo nok litah Suzuki Swift takdih.. Apo, Suzuki Swift tuh lari lagi laju weh! Pah tok ddae la weh, po'leh buwi isyarat doh ko kito sughoh beghetti.. Kito pong slow la kketo, bgetti tepi jalae..


tok llaki : mampos la kite bie.. melayang kite RM300 kali nih
ambo     : hum.. ghoyak la ko po'leh tuh langga lapu meghoh sebab ambo nih preknen,
                 nok kkecing llolo doh...


Pah, tok llaki ambo pong tubik laa... Dio pom ikot la supo hok ambo kato.. Mugo oghe preknen nih meme nok kkecing sokmo!!


po'leh    : mintak IC ngan lesen encik, Encik nih dah langgar lampu isyarat merah
tok llaki : maaf che', saya bukan sengaje nak langgar lampu merah. Isteri saya 
                nak kencing sangat-sangat.(sambil buwi IC ngan lesen ko po'leh)
po'leh    : saya nih nak terberak pon tahan lagi sebab nak kejar awak tau tak..
tok llaki : Ala che' mintak maaf la.. lagipon, kereta depan saya tadi pon langgar
                  lampu merah jugak
po'leh    : tak pe, saye dah ambik nombor kete tu..(sambil nak tulis saman)
tok llaki : tolong la che', Isteri saya nih preknen 9 bulan.. die memang nak 
                kencing sangat nih! tu yang terpaksa langgar lampu merah tadi..


 Po'leh tuh tok ccayo bakali, po'leh pom maghi lah dekak ambo.. Ambo pom bukok la pitu.. kononnyo, nok tunjuk perot bucit ambo nih la.. mugo llonih 9 bulae doh!!...


po'leh      : nak pegi mane nih?
ambo      : sayo nih nok cari stesen minyok hok paling dekat lah.. nok 
                 kkecing llolo doh..
po'leh     : owh.. tak pe lah kalo cam tuh.. encik ambik balik lesen ngan 
                Ic encik nih, lain kali, jangan langgar lampu isyarat merah lagi yer...
tok llaki : terima kasih la che', saya mintak maaf sekali lagi la ye,..


Wweeey la.. lepah sunggoh!! Mujo la tok keno samae... Ambo nok ssuko gleppa nok pecoh perut doh dalae kketo nih, ccapo la nok maroh jugok ko tok llaki ambo mugo tok denga kato ambo jange langga lapu meghoh..


Pah, jjadi Wok Lo nga Pok Dogo la bowok kketo gi sapa stesen minyok blakon nok tunjuk kito nih nok gi toilet sunggoh. Po'leh ikut blalea kketo kito sapa stesen minyok.. Nok check bakali.. Ambo pong meme supo oghe bodo jugok lah, tubik kketo, masuk dalae tandas, dok nnengung dalae 5 minit. Lepah tubik tuh, po'leh takdok doh.. 


Tok llaki ambo SENGEEEEEEH jah ko ambo... 

facebook klate

 tibo2 ambo jjupo gamba nih.. aloooh la.. rajing sunggoh oghe hok tulong translate nih..
huhu... kalu ado sunggoh, meme ambo tuka skalu bahaso kt facebook tuh jadi bahaso kkapong kito.. hahahhaha!!!

jeruk pauh

jeruk pauh..

tahu dok pauh tu gapo? Haaaa~~ kalu oghe klate tau la jeruk pauh tuh ggapo.. oghe lua panggil 'jeruk pelam'.. kalu oghe klate tok leh sebut 'jeruk pelam'.. oghe klate akan sebut 'jeruk pel**'.. Aii.. tok leh tulih weh.. takot jjadi makno ggolaing.. huhu..

nok jjadi critonyo,  ghumoh kito ado pokok paoh.. besa sunggoh pokoknyo.. ado skali aghituh, serro nok buak jeruk sdiri.. sebabnyo, teringat jeruk hok tok ma kkapung kito buak sedap sngoti! pah, talipong la kito ko ummy kito di klatey nuh.. mugo kito tok rajing buak jeruk nih.. jadinyo, keno la kito tanyo resepi..

bahan bahan..

1. buoh pauh
2. air
3.garam
4. gulo
5. bekas jeruk

cara cara

1. keghak dulu buoh pauh kito ikut suko.. basoh la weh!! lamo kae lekat habih daki2 tangae kito di buoh paoh tuh.
2. pah, masok daley bekah/tapawae hok kito nok guno nok wak jeruk tuh. rendam nga air garam separuh hari...
3. cukup separuh hari, buang air garam takdih, pah gaul buoh pauh takdih nga gulo.. tok payoh masuk air doh deh..
4.rendam nga gulo selamo 1 hari..  jjadi lah jeruk kito.. huhuh.. rendam lamo2 lagi sedap!..

masing2 ado caro tersendiri nok buak jeruk.. tapi gak, kito nga caro kito nih jjadi doh..

p/s : actually, 1'st time buat jeruk nih, tok jjadi lasong!! habih so bekah jeruk kito buang.. huhu... takpo.. 1'st eksperimen..

kketo punoh

bangun pagi molek2, jak awal pukol 5.30 pagi lagih bangun doh mugo nop gi kkijo di KL key.. kito dudok di BAlakong jah.. jaoh la weei nok gi kkijo.. dekak 30km jugok lah nok ghoyak buwi ko demo.. kalu gi awal2 pagi buto pukol 6.30, buleh la sapa opeh dalae setengoh jae.. kalu lewat dari 6.30 gak, alamak sejjae lebih la nok sapa opeh kito dekak pekeliling nuh! Aaaa...

Jadinyo kito lepah mandi tu gak, geghok la oghe ghumoh kito.. mugo dio nok keno ata kito gi kkijo duluh! Hoo la, tok laghak wei ambo llonih ngandong 8 buley lebih doh!! Kalu Skalo, kito gi Kkijo naek tren jah di Bandar Tasek Slatae nuh.. alooh la.. nok naek tren pong tok leh doh.. tok laghak doh nok jjalae, kalu naek tren pon, bukeynyo ogghe buwi seat sokmo ko kito. dok tehe tu gaaaak eh ddighi(berdiri) tunggu sapa stesen Masjid Jamek baghu buleh dudok mugo ghama oghe tughong ssituh.. aloooooh la.. sakik abih la tulae blikak tule punggong, tulae kaki habbih sakik blako!..

eh.. kkecek banyok weh.. tajuk asalnyo kketo punoh.. hoh.. nok jjadi ko critonyo, ambo nga oghe ghumoh ambo tubik la ddumoh pukol 6.30.. ambo supo biaso lah tido daley kketo mugo che' abey kito dreba kae,..doh sapa dekak tol Sg. besi tuh, tibo2 enjin bbunyi.. "TRRRRRRRR".. kkejuk kka kito celek ceghoh butey mato..

ambo     : eh.. bunyi ggapo tuh?
che' abe : ntah.. bunyi moto sebelah kot
ambo     : mano ado muto b! Aii.. bunyi enjin kito nih gginih..

sapa dekak tol gate, che' abey bukok lah tingkap mugo nok baya tol (tok paka smart tag weh!! bukey takdok mugo smart tag tuh, tapi line smart tag beghator panjae, bla dok pong!).. pah kito pong denga la enjin kito bbunyi kuat la weeii..

ambo     : b.. bunyi enjin kito tuh lagutuh..
che' abe : (senyap kkettok)
ambo     : beghetti a b! Kkolupo nuh jaoh lagih! lamo kae mapuh tengoh jalae tok ppasa
               laaa~
che' abe : adooi.. ape lagi laaa kete nih.. baru je minggu lepas kite abeh dekat seribu 
                dok repair kete..

che' abeh pon bhetti la kketo di stesen minyok Esso di Banda Tasek nuh.. nyo belek2 enjin kketo tok tahu ggapo hok bbunyi kuat sangat.. ambo napok doh muko dio tensyen.. pah, masok kketo, pusing smula balik ddumoh.. makonyo, tokkijo la ambo nga tok llaki ambo.. habbih messej ko oghe opeh ghoyak kito "Emergency Leave" aghi nih..

pah kelik ddumoh, pukol 10 pagi, dio tingga la kito ddumoh soghey2 sebab takot tunggu lamo di bengkel nuh.. doh kito takdok wak kkijo ggapo gak, kito tido jah la tunggu sapa dio balik..daley pukol 1, bbunyi enjin kketo masuk umoh.. ambo pong baghu sedar tido (betuoh sunggoh!)

ambo      : guano kketo b? bhapo ghatoh pulok abih kali nih?? Aaa.. parrok la kito buley 
                nih...
che' abe : tak kene bayar pon..Tau tak? rupenye bunyi kete kite longgar skru.. tempat 
                 yang pomen tuh repair dulu..
ambo     : hehh?? Bengo sunggoh baso pomen wak kkijo lagu tuh.. baya mahal2.. doh,
                  kalu jjadi ggapo2 ko kito? lagumano?
che' abe : itu la pasal.. tokey die siap ajak orang minum lagi nak cover pekerja die.. tapi 
                 orang tak ikot pon.. orang tunggu je pomen tuh siapkan kete.. sebijik2 orang 
                  tengok die wat keje.. geram rasenye...

Baso pomen!!  wak kkijo lagu mano weh oghey baya mahal2? Gginih la dae pomen melayu gak.. kito nih, nok pakat tulong oghe kito.. tapi gak, nyo buak lebeh kughey jah ngey kito..

intro...

Assalamualaikom..

sajo jah nok buak blog nih.. nok suko2.. ghasonyo, oghe hok gheti bahaso klatey jah hok pehe nok baco blog nih.. mitok maah la oghe lua tu deh?? kadae kadae ghaso lemah weh kkecek kok lua nih..
mugo kadae kadae terbocor jugok.. hoo la, mugo bahaso asolli kito bahaso klatey..

i loiiikee...