alhamdulillah, ambo baru jah lepah makae sahur.. nih dok nnulih nih sambil dok tunggu oghe bbae subuh.. sementara tunggu tuh, ambo kelih tv3.. ado ngaji budok2 tahfiz.. arinih, suroh As-Sajadah.. sayu weh budok tuh baco.. siap tunjuk translate lagih.. surah nih menceritakn mengenai balasan orang yang beriman, dengan orang yg munafik... Allah.. Insaf ghaso bilo dengar suroh nih.. padae la Baba ambo sokmo dok baco suroh nih pagi juma'at..
pah, bilo tengok budok2 tahfiz nih dalae TV maso nih, ambo terlintas maso kecik2 dulu, ambo kato
"budok2 nih buleh dok ngaji maso oghe dok ssahur dih? tok ssahor ko?"
haaaaaa!!
bakpo keh neh buleh pikir lagu tuh..? ni lah nok ghoyak buwi ambo bodo tok bodo maso kecik dulu, ambo ccayo mapuh2 oghe hok blakong dalae Tv tuh, blakong maso maso ttu jugok..'live' la kalu oghe putih kato. maksudnyo, kalu ambo kelih TV pukul 10mlm, kalu oghe dalae TV tuh dok ppadae gak, ambo meme ingak oghe tuh ddok ppadae sunggoh la pukul 10mlm tuh..
maso tuh, tok tahu pong ado 'record' dlm pengetahuan ppalo otok nih.. ho lah kae, tokkey la oghe nok wak rancangan tuh tengoh2 maley.. kecuali lah berito nightline pukul 12 mlm tuh..hehe..
kalu ado rancangae Tv hok dok di studio tuh, meme ambo ingat rancangae tuh 'live'.. kalu crito pon samo jugok.. pah, kalu pikir lojik gak, crito nih ado mace2 scene dek neh? smetta dok atah tembok, pah dok atah kedai pulok, pah siang2 hari, tibo2 malae hari.. meme pelik jugok mmikir.. tapi gak, mugo kito budok maso ttu kae, tok tahu ggapo.. hok tubik dari TV tuh gak, kiro pakak jjolo sunggoh lah..
pahtuh, teringat skali ambo pasal ccayo ko crito kartun.. olooooooh la... ccayo sunggoh nah nok ghoyak buwi! ombo meme ingak dunio kartun nih ado sunggoh.. ambo nih sapa mimpi ko kartun nih.. berangan nok jjupo lah watak bugs bunny atau pon mickey mouse tuh.. contohnyo, cito 'Behind the Jam'.. bilo tubik cito nih, lagi lah ambo pk cito cartun tuh wujud sunggoh.. astaga..
behind the jam |
budok2 cepat nnakak, bangak blaja, mudoh ccayo... haaaa.. kalu kito aja dio hok hudoh gak, hudoh la peghanga dio,.. kalu aja ccomey gak, comey lah peghanga dio.. pepatah kato," kalau nk lentur buluh, biarlah dari rebungnya" ... haaa.. ddae rebung jjadi buloh gak, payoh doh la nok lentur.. keghah kkekung doh!!
ok.. selamat berpuaso..